意想不到的擺設：無情情有隻菇

放精品擺設，不一定是循規蹈矩放喺枱面或櫃面，最反對是買一個玻璃櫃返黎，困住啲精品喺入面，搞到成間博物館咁。

精品被完全隔離，融入唔到間屋，完全失去點綴家居的功用。相反，喺一啲意想不到的地方放精品，可以帶來驚喜：

去德國時，有一次因為要唱錢，入左間超市買左隻瓷器草菇擺設。草菇應該喺陰暗地方生長，所以將佢放左喺電視櫃與窗台中間條隙既地上面。唔顯眼，但係人人行過，發現無情情有隻菇生出來都覺得驚喜。