我不是鬼娃娃 - Gloria

娃娃共三個。佢哋都係喺德國買的。德國除左車、廚櫃、足球厲害外，佢地啲傳統工藝真係好靚。由買到帶返香港，一直都以為佢地係著左靚衫的膠公仔，直至其中一個跌低左，先知道佢地原來係瓷器公仔。

以前我同大部份人一樣，覺得真人娃娃好恐佈，好邪惡，眼角會無啦啦流血。唔否認有啲娃娃係恐佈的，但係原來係有好多好可愛同善良既娃娃，將其中三個由德國帶左返屋企，等我介紹下：

Gloria：係德國火車站的一間超市發現佢，係我第一個買的娃娃，又係我最鍾意的娃娃。

 
Gloria個樣好靚，係我喺德國見過無數娃娃後，依然覺得最靚的一個。佢一身樸素村姑打扮，一睇就知佢係窮家女，仲要係一個孤兒，身世十分可憐。

Gloria真係命苦，返到香港，個個無事，係佢無啦啦仆左喺度，個頭爆左，就係咁先知道佢地係瓷器。用AA膠幫佢黏返，希望無事啦。